آزربایجان بایاتیلاریazərbaycan bayatilar

استاد فرزانه قلبیمیزده یاشایاجاقدیر
یونس شاملی
اوستاد محمد علی فرزانه اؤتن ایلین بو گونلرینده وفات ائتدی. اونون وفاتی ایله آذربایجانین مدنیت، علم و سیاست دنیاسی ماتمه باتدی. استاد فرزانه نین آدی، و آیاغین قویدوغو یولو آذربایجان اینسانینا اؤزل بیرمعناسی واردیر. چوخ گنجلیک چاغیدان آذربایجان حاقیندا فعالیت باشلایان استاد فرزانه، یاشامینین ان سون گونلرینه دک دایانمادان چابا گؤسترمیشدیر.
بوگون استاد فرزانه آذربایجانین گورکملی و قوجامان عالیم، دیلچی و ادبیات شوناسی اولاراق، بیر بؤیوک اینسان کیمی آذربايجانین معنویتینین بیر آییرلماز بولومونه دؤنموشدور.
استاد فرزانه تاریخ ساحه سینده، آذربایجانین سون 61 ایلنده گئدن آغیر حادیثه لرین شاهدی اولوب و او حادیثه لری اؤز صمیمی اوره گینده یاشادیب، اونلاری بیزیم چاغمیزا قدر اؤز دردلی سینه سینده بیزه چاتیرمیشدیر. بو باخیمدان استاد فرزانه اؤزونده آذربایجانین یاریم عصریدن چوخ آذربایجانین معنوی حیاتین یاشاتمادا و آذربایجانلی نین انسانی و ملی دمکراتیک حاقلارینا صاحیب چیخمادا، دورمادان چالیشمیشدیر.
قیسساجا، استاد فرزانه اؤز یاشامی ایله آذربايجاندا گئدن سیاسی اجتماعی مبارزه نین تاریخی تسلسلو اولوب، و او تاریخین معنوی اعتبارینا اوز یاشامی ایله معنا وئرمیشدیر.
استاد فرزانه، بیر 18 یاشیندا گنج اولاراق آذربایجان دمکرات فرقه سینه قوشولوب، آذربایجان درگیسنده اؤز یارادیجیلیقلارین باشلامیشسا، او عؤمرونون ان یئترلی و تجربه لی زامانیندا، آذربایجانین بوگونکو ملی دمکراتیک حرکتینده جدی و موثر بیر رول اویناییب، آذربایجان فدرال دمکرات حرکاتینین موسس لرینده اولموشدور. بو تشبث اوستاد فرزانه نین اورک ایچینده یاشایان سیاسی ایستک لر و آرزولاری اوچون، آذربایجان فدرال دمکراک حرکاتینی جانلاندیرماقا حصر ائتمیشدیر.
فرزانه میز حقیقتاً اؤلمزدیر

 RSS 

POWERED BY
BLOGFA.COM